കോന്നി : കോന്നി നിയോജകമണ്ഡലത്തിലെ 3 പാലം നിർമ്മാണ പ്രവർത്തികൾക്ക് കരാറുകാരായി. 12 കോടി രൂപ അനുവദിച്ച ചിറ്റൂർ കടവ് പാലത്തിന് കൊല്ലം ജെ.ബി.സി കൺസ്ട്രക്ഷൻ കമ്പനിയും രണ്ടരക്കോടി രൂപ അനുവദിച്ച് നിർമ്മിക്കുന്ന കരിമാൻതോട് പാലത്തിന്റെ നിർമ്മാണം ആലപ്പുഴ ആസ്ഥാനമായുള്ള പി.ടി. ബിനോയ് എന്ന കരാറുകാരനും 2.6 2 കോടി രൂപ അനുവദിച്ചു നിർമ്മിക്കുന്ന ആവണിപ്പാറ പാലം കൊല്ലം ആസ്ഥാനമായുള്ള തോമസ് പി.ജെ എന്ന കരാറുകാരനും പ്രവർത്തികൾ ഏറ്റെടുത്തു.
പൊതുമരാമത്ത് വകുപ്പുമായുള്ള എഗ്രിമെന്റ് അടക്കമുള്ള സാങ്കേതിക നടപടികൾ പൂർത്തിയാക്കി ഫെബ്രുവരി മാസം മൂന്നു പാലങ്ങളുടെയും നിർമ്മാണ പ്രവർത്തനങ്ങൾ ആരംഭിക്കും. പൊതുമരാമത്ത് പാലം വിഭാഗത്തിനാണ് പ്രവർത്തികളുടെ നിർവഹണ ചുമതല. സാങ്കേതിക നടപടികൾ പൂർത്തീകരിച്ച് പ്രവർത്തികൾ വേഗത്തിൽ ആരംഭിക്കാൻ ആവശ്യമായ നിർദ്ദേശം ബന്ധപ്പെട്ട ഉദ്യോഗസ്ഥർക്ക് നൽകിയതായി അഡ്വ.കെ യു ജനീഷ് കുമാർ എംഎൽഎ അറിയിച്ചു.
