നാഗര്കോവില് : വാഹനപരിശേധന നടത്തുന്നതിനിടയില് ബൈക്ക് യാത്രക്കാരെ സംശയം തോന്നി ചോദ്യം ചെയ്തപ്പോള് മോഷ്ടാക്കള് പിടിച്ച് അഴിക്കുള്ളിലാക്കി. കന്യാകുമാരി ജില്ലയില് വിവിധ മോഷണക്കേസുകളിലെ പ്രതികളായ രണ്ടുപേരെ സ്പെഷ്യല് ടീം പോലീസ് അറസ്റ്റുചെയ്തു. കുലശേഖരം അണ്ണാനഗര് സ്വദേശി എഡ്വിന് സെല്വം (50), കേശവന്പുത്തൂര് സ്വദേശി ജസ്റ്റിന് രാജ് (42) എന്നിവരാണ് പിടിയിലായത്. സ്പെഷ്യല് ടീം എസ്.ഐ മുത്തുക്കൃഷ്ണന്റെ നേതൃത്വത്തിലുള്ള പ്രത്യേക സംഘമാണ് പ്രതികളെ അറസ്റ്റുചെയ്തത്.
ഇവര് കന്യാകുമാരി ജില്ലയിലെ തിരുവട്ടാര്, അഞ്ചുഗ്രാമം, മാര്ത്താണ്ഡം, കുലശേഖരം സ്റ്റേഷന് പരിധികളിലായി നിരവധി കടകളില് കവര്ച്ച നടത്തിയിട്ടുണ്ടെന്ന് പോലീസ് പറഞ്ഞു. ഇന്നലെ ആറ്റൂരിന് സമീപം പോലീസ് നടത്തിയ വാഹന പരിശോധനയ്ക്കിടെയാണ് സംഭവം. ബൈക്കില് പോകുമ്പോള് സംശയം തോന്നി ചോദ്യംചെയ്തപ്പോഴാണ് ഇവരെ തിരിച്ചറിഞ്ഞത്. പ്രതികളെ റിമാന്ഡ് ചെയ്തു.
