കോന്നി : പുനലൂര് – മൂവാറ്റുപുഴ സംസ്ഥാന പാതയില് വകയാര് ജംഗ്ഷനില് നിയന്ത്രണം വിട്ട വാന് വീടിന്റെ മതിലിലേക്ക് ഇടിച്ച് കയറി, ആര്ക്കും പരിക്കില്ല. ഒരാഴ്ചക്കിടെ ഇവിടെ നടക്കുന്ന മൂന്നാമത്തെ അപകടമാണിത്. രണ്ട് ദിവസങ്ങള്ക്ക് മുമ്പാണ് ഇവിടെ വാനും കാറും തമ്മില് കൂട്ടിയിടിച്ച് അപകടമുണ്ടായത്. സംസ്ഥാന പാതയിലെ പ്രധാന ജംഗ്ഷനുകളില് ഒന്നായ ഇവിടെ വാഹനങ്ങളുടെ അമിത വേഗതയും അശ്രദ്ധയോടെയുള്ള ഡ്രൈവിങ്ങുമാണ് വാഹനാപകടങ്ങള്ക്ക് പ്രധാനമായും കാരണമാകുന്നത്. വി. കോട്ടയത്ത് നിന്നും സംസ്ഥാന പാതയിലേക്ക് വാഹനങ്ങള് വന്നിറങ്ങുന്നതും ഈ ജംഗ്ഷനിലാണ്. പൂവന്പാറ മുതല് കൊല്ലന്പടി വരെയുള്ള ഭാഗത്ത് റോഡ് നേര് രേഖയില് കിടക്കുന്നതിനാല് വാഹനങ്ങള് അമിത വേഗതയിലാണ് ഈ വഴി സഞ്ചരിക്കുന്നത്. മുന്പ് കെ.എസ്.ആര്.റ്റി.സി ബസ് ഇടിച്ചും ഇവിടെ അപകടം നടന്നിരുന്നു.
വാഹനാപകടങ്ങള് തുടര്ക്കഥയായിട്ടും വാഹനങ്ങളുടെ അമിത വേഗത കുറയ്ക്കുവാന് ആവശ്യമായ യാതൊരു നടപടിയും അധികാരികള് സ്വീകരിച്ചിട്ടില്ല. ദീര്ഘദൂര ബസുകള് പലപ്പോഴും രാത്രിയില് അമിത വേഗത്തില് എത്തുന്നതും വാഹനാപകടങ്ങള് വര്ധിപ്പിക്കുന്നു. മഴയില് വാഹനങ്ങളുടെ ടയറുകള് റോഡില് തെന്നിമാറിയാണ് കൂടുതലും അപകടങ്ങള് നടക്കുന്നത്. അപകടങ്ങള് കുറയ്ക്കുന്നതിനാവശ്യമായ മുന്നറിയപ്പ് ബോര്ഡുകളും സിഗ്നല് സംവിധാനവും ഇല്ലാത്തത് വകയാറില് അപകടങ്ങള് വര്ധിക്കുന്നതിന് കാരണമാകുന്നുണ്ട്.
