തിരുപ്പൂര് : കാങ്കയം – ധാരാപുരം റോഡില് കാറും ലോറിയും കൂട്ടിയിടിച്ച് നാല് പേര് മരിച്ചു. രണ്ട് പേര്ക്ക് ഗുരുതരമായി പരുക്കേറ്റു. കര്ണാടക ശിവമൊഗ്ഗ സ്വദേശികളായ മോഹന് (29), ഹാലേഷ് (38),പരമേശ് (42), ഈറോഡ് ചിന്നചെട്ടിപാളയം സ്വദേശി ബാലന് (42) എന്നിവരാണ് മരിച്ചത്. കര്ണാടകയില് നിന്ന് തേനിക്കു പോകുകയായിരുന്ന കാര് നിയന്ത്രണം വിട്ട് എതിരെ വന്ന ബൈക്കിലും, ലോറിയിലും ഇടിക്കുകയായിരുന്നു. കാര് ഓടിച്ചിരുന്ന അഫ്സല് അലി (22 ), ബൈക്കില് ബാലനൊപ്പം സഞ്ചരിച്ചിരുന്ന ഭാര്യ കലൈവാണി (37) എന്നിവര് ഗുരുതരമായി പരുക്കേറ്റു.
ഹാലേഷ്, മോഹന് എന്നിവര് സംഭവസ്ഥലത്തുവെച്ചും ബാലന്, പരമേശ് എന്നിവര് ആശുപത്രിയില്വച്ചുമാണ് മരിച്ചത്. നാട്ടുകാരാണ് പരുക്കേറ്റവരെ ആശുപത്രിയില് എത്തിച്ചത്.
