തിരുവല്ല : കുറ്റൂരിൽ ഡിസിസി അംഗം ഉൾപ്പെടെ പത്ത് കോൺഗ്രസ് കുടുംബങ്ങളിലെ അറുപത് പേർ സിപിഐഎമ്മിനൊപ്പം ചേർന്നു. തെങ്ങേലിയിൽ നടന്ന ചടങ്ങിൽ ജില്ലാ സെക്രട്ടറി കെ പി ഉദയഭാനു ഹാരമണിയിച്ച് സ്വീകരിച്ചു. പരമ്പരാഗതമായി കോൺഗ്രസ് കുടുംബത്തിൽപ്പെട്ടവരാണിവർ.
ഡിസിസി ജനറൽ സെക്രട്ടറി കോന്നിയൂർ പികെ കഴിഞ്ഞ ദിവസം ഇടതുപക്ഷത്ത് ചേർന്നിരുന്നു. വെള്ളിയാഴ്ച ഡിസിസി അംഗം സാബു കണ്ണാട്ടിപ്പുഴ, പതിനാലാം വാർഡ് പ്രസിഡന്റ് ജേക്കബ് കുര്യാക്കോസ്, സെക്രട്ടറി സുനോജ് ഏബ്രഹാം എന്നിവരുൾപ്പെടെ പ്രവർത്തകരാണ് കോൺഗ്രസുമായുള്ള ബന്ധം അവസാനിപ്പിച്ചത്.
സണ്ണി വേങ്ങാട്ട് അധ്യക്ഷനായി. സിപിഐ എം ജില്ലാ കമ്മിറ്റി അംഗം അഡ്വ. കെ പ്രകാശ് ബാബു, എൽഡിഎഫ് കൺവീനർ അഡ്വ.സുധീഷ് വെൺപാല, ലോക്കൽ കമ്മിറ്റി സെക്രട്ടറിമാരായ വിശാഖ് കുമാർ, അഡ്വ. അനു ഏബ്രഹാം, ബ്രാഞ്ച് സെക്രട്ടറി സുരേഷ് കുമാർ, സിബി എന്നിവർ സംസാരിച്ചു.
