തിരുവല്ല : തിരുവല്ലയിൽ കഞ്ചാവുമായി രണ്ട് യുവാക്കൾ പിടിയിൽ. പുളിക്കീഴ് മണത്തച്ചിറ വീട്ടിൽ റോബിൻ, തിരുവൻവണ്ടുർ നന്നാട് തോപ്പിൽ വീട്ടിൽ ആന്റോ രാജു എന്നിവരാണ് എക്സൈസ് സംഘത്തിന്റെ പിടിയിലായത്. കുറ്റൂർ തെങ്ങേലി ഏറ്റുകടവ് ജംഗ്ഷന് സമീപത്തു നിന്നാണ് ഇവരെ എക്സൈസ് സംഘം പിടികൂടിയത്. 18 ഗ്രാം കഞ്ചാവ് ഇവരിൽ നിന്ന് പിടിച്ചെടുത്തു. എക്സൈസ് സംഘമെത്തുന്നത് കണ്ട് പ്രതികളുടെ കൂടെയുണ്ടായിരുന്ന രണ്ടു പേർ ബൈക്കിൽ രക്ഷപ്പെട്ടു. പ്രിവന്റീവ് ഓഫീസർ ഇ. ജി സുശീൽ കുമാർ, പദ്മകുമാർ, രാഹുൽ, അഖിലേഷ്, അരുൺ കൃഷ്ണൻ എന്നിവരുടെ നേതൃത്വത്തിലായിരുന്നു അറസ്റ്റ്.
