തിരുവല്ല : വിരമിച്ച അധ്യാപകർ വിശ്രമരഹിതമായിരിക്കണമെന്നും ലഭിച്ച അറിവും അനുഭവവും സമൂഹത്തിനും മിഷൻ ഫീൽഡുകൾക്കും പ്രയോജനപ്പെടുത്തണമെന്നും തോമസ് മാർ തിമോത്തിയോസ് എപ്പിസ്കോപ്പ.
മാർത്തോമ്മ സ്കൂൾസ് റിട്ട. ടീച്ചേഴ്സ് ഫെലോഷിപ്പിന്റെ സംസ്ഥാന വാർഷിക സമ്മേളനം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. സംസ്ഥാന പ്രസിഡന്റ് വി.എം. മത്തായി അധ്യക്ഷത വഹിച്ചു. സെക്രട്ടറി എ.വി.ജോർജ് , ട്രഷറാർ സജി ജോൺ , മാനേജർ കുരുവിള മാത്യു , കെ.എം.ഫിലിപ്പ് , എം.ചെറിയാൻ , വി.വി. മേരിക്കുട്ടി, ജോസ് പോൾ, ജയശ്രീ ആനി തോമസ്, കെ.ജി. തോമസ്, ഡെയ്സി കെ. ചെറിയാൻ, മറിയാമ്മ വർക്കി എന്നിവർ പ്രസംഗിച്ചു.
എഴുത്തുകാരനും പ്രഭാഷകനുമായ ഷാജി ജോർജ്, ഗായകനും സംഗീത സംവിധായകനുമായ സെനു തോമസ് എന്നിവരെയും ഗുരുശ്രേഷ്ഠപുരസ്കാര ജേതാക്കളായ ജേക്കബ് ഏബ്രഹാം, എൻ.എസ്. സാം ജോയി എന്നിവരെയും ഉപഹാരങ്ങൾ നൽകി അനുമോദിച്ചു. സംസ്ഥാന ലേഖന മത്സര വിജയികളായ മറിയാമ്മ മാത്യു, ബിന്ദു ബി. ചെറിയാൻ, റ്റി.ഡി. അന്നമ്മ എന്നിവർക്ക് കാഷ് അവാർഡു നൽകി. 75 വയസ് പൂർത്തീകരിച്ചവരെ യോഗത്തിൽ ആദരിച്ചു.
