തിരുവല്ല : മിന്നൽ പ്രളയത്തിൽ ക്യാമ്പുകളില് കഴിയുന്നവര്ക്ക് സഹായവുമായി തിരുവല്ല മർച്ചന്റ്സ് അസോസിയേഷൻ. ദുരിതബാധിതർ താമസിക്കുന്ന തിരുമൂലപുരം സെന്റ് തോമസ് സ്കൂൾ, എസ്.എൻ.വി.എസ് സ്കൂൾ, തിരുമൂല വിലാസം സ്കൂൾ എന്നീ ദുരിതാശ്വാസ ക്യാമ്പുകള് സാംസ്കാരിക മന്ത്രി പി.സി വിഷ്ണുനാഥ്, തിരുവല്ല എം.എൽ.എ അഡ്വ.വർഗീസ് മാമ്മൻ എന്നിവരുടെ നേതൃത്വത്തിൽ അസോസിയേഷൻ പ്രതിനിധികള് സന്ദർശിക്കുകയും ക്യാമ്പുകളിൽ താമസിക്കുന്നവർക്ക് ഭക്ഷണവും കുടിവെള്ളവും വിതരണം നടത്തുകയും ചെയ്തു.
മർച്ചന്റ്സ് അസോസിയേഷൻ പ്രസിഡന്റ് എം.കെ വർക്കിയുടെ നേതൃത്വത്തിലാണ് പരിപാടി സംഘടിപ്പിച്ചത്. തിരുവല്ല നഗരസഭ ചെയർപേഴ്സൺ ലേഖ എസ്, പുളിക്കീഴ് ബ്ലോക്ക് പ്രസിഡന്റ് ഈപ്പൻ കുര്യൻ, സാം ഈപ്പൻ, പത്തനംതിട്ട ജില്ലാ കളക്ടർ എ.നിസ്സാമുദ്ദീന്, തിരുവല്ല തഹസീൽദാർ ജോബിൻ ജോർജ്ജ്, ആർ.ജനാർദ്ദനൻ, സജി എം.മാത്യു, രഞ്ജിത് എബ്രഹാം, ശ്രീനിവാസ് പുറയറ്റ്, ജി. ശ്രീകാന്ത്, അബിൻ ബക്കർ, പി.എസ് നിസ്സാമുദിൻ, ഷിജു ബ്രിട്ടെക്സ് എന്നിവർ പങ്കെടുത്തു.
