കുവൈത്ത് സിറ്റി : കൊറോണ വൈറസ് ബാധിച്ച് ചികിൽസയിൽ കഴിയുന്ന മലയാളി നഴ്സ് കുവൈത്തിൽ മരണമടഞ്ഞു. തിരുവല്ല മഞ്ഞാടി സ്വദേശി പാറക്കമണ്ണിൽ ആനി മാത്യു (54)ആണ് മരണമടഞ്ഞത്. ഇവർ ജാബിർ ആശുപത്രിയിൽ ചികിൽസയിൽ ആയിരുന്നു. ജാബിരിയ രക്ത ബാങ്കിൽ നഴ്സ് ആയി സേവനം അനുഷ്ടിച്ചു വരികയായിരുന്ന ഇവർ ഇക്കഴിഞ്ഞ ഫെബ്രുവരി 27 നാണു നാട്ടിൽ നിന്നും തിരിച്ചെത്തിയത്. അബ്ബാസിയയിലായിരുന്നു താമസം. കുവൈത്തിൽ ഉണ്ടായിരുന്ന ഭർത്താവ് മാത്യു അസുഖ ബാധിതനായി ഒരു വർഷമായി നാട്ടിൽ ചികിൽസയിൽ കഴിയുകയാണ്. മക്കൾ നിബിൻ, ഡോ നിമ്മി , നിഥിൻ. മൃതദേഹം കോവിഡ് പ്രോട്ടോകോൾ പ്രകാരം കുവൈത്തിൽ സംസ്കരിക്കും.
