കൊച്ചി : തിരുവല്ലയില് യുവതിക്ക് മയക്കുമരുന്ന് നല്കി പീഡിപ്പിച്ച കേസില് സിപിഎം നേതാവ് ഉള്പ്പടെ 12 പ്രതികള്ക്കും മുന്കൂര് ജാമ്യം. കേസില് ഒന്നാം പ്രതിയായ സിപിഎം കോട്ടാലി ബ്രാഞ്ച് സെക്രട്ടറി സജിമോന് ഉള്പ്പടെയുള്ള പ്രതികള്ക്കാണു ഹൈക്കോടതി ജാമ്യം അനുവദിച്ചത്. സിപിഎം വനിതാ നേതാവ് നല്കിയ പരാതിയെ തുടര്ന്നാണ് പോലീസ് കേസെടുത്തത്.
സംഭവത്തില് മുഴുവന് പ്രതികളുടെയും മൊബൈല് ഫോണുകള് പരിശോധിക്കുന്നതിനായി ഈ മാസം 22 ന് മുന്പ് അന്വേഷണ ഉദ്യോഗസ്ഥന് മുന്പാകെ ഹാജരാക്കണമെന്നും നിര്ദേശമുണ്ട്. മയക്കുമരുന്ന് കലര്ത്തിയ ജ്യൂസ് നല്കിയ ശേഷം പീഡിപ്പിച്ചെന്നും നഗ്നചിത്രം പുറത്തു വിടാതിരിക്കാന് സജിമോനും കൂട്ടരും 2 ലക്ഷം രൂപ ആവശ്യപ്പെട്ടെന്നുമാണു യുവതിയുടെ പരാതി. സിപിഎം വനിതാ നേതാവായ പരാതിക്കാരിയുടെ ഭര്ത്താവും സജീവ സിപിഎം പ്രവര്ത്തകനാണ്.