തിരുവല്ല : കഴിഞ്ഞ 20 വർഷം തിരുവല്ലയെ പിന്നോട്ട് നയിച്ച സ്ഥലം എം.എല്.എക്കും 10 വർഷമായി സംസ്ഥാനം ഭരിച്ച് മുടിച്ച ഇടതുപക്ഷ മുന്നണിയുടെ ദുർഭരണത്തിനും വരുന്ന നിയമസഭ തെരഞ്ഞെടുപ്പിൽ ജനങ്ങൾ മറുപടി നല്കുമെന്ന് യു.ഡി.എഫ് ജില്ലാ ചെയർമാൻ അഡ്വ.വർഗീസ് മാമ്മൻ പറഞ്ഞു. യു.ഡി.എഫ് തിരുവല്ല ഈസ്റ്റ് മണ്ഡലം കമ്മറ്റിയുടെ നേത്രുത്വത്തിൽ പുതുയുഗ വികസന യാത്ര കുടുംബ സംഗമം ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു അദ്ദേഹം. കോൺഗ്രസ് തിരുവല്ല ഈസ്റ്റ് മണ്ഡലം കമ്മറ്റി പ്രസിഡന്റ് രാജേഷ് മലയിൽ യോഗത്തിൽ അധ്യക്ഷത വഹിച്ചു. യു.ഡി.എഫ് തിരുവല്ല നിയോജകമണ്ഡലം പ്രസിഡന്റ് അഡ്വ. ലാലു തോമസ് മുഖ്യപ്രഭാക്ഷണം നടത്തി.
കോൺഗ്രസ് ബ്ലോക്ക് പ്രസിഡന്റ് അഡ്വ.ബിനു വി ഈപ്പൻ, യു.ഡി.എഫ് തിരുവല്ല മണ്ഡലം കൺവീനർ ലാൽ നന്ദാവനം, മുസ്ലിം ലീഗ് നിയോജക മണ്ഡലം പ്രസിഡന്റ് പി.എം അനീർ, കോൺഗ്രസ് ബ്ലോക്ക് വൈസ് പ്രസിഡന്റ്മാരായ സജി എം മാത്യൂ, ശോഭ വിനു, ബ്ലോക്ക് സെക്രട്ടറി ജേക്കമ്പ് കുര്യൻ, സേവാദൾ സംസ്ഥാന ജനറൽ സെക്രട്ടറി എ ജി ജയദേവൻ, കൗൺസിലർമാരായ ലിൻഡ വഞ്ചിപ്പാലം, വിദ്യാ വിജയൻ, മുൻ കൗൺസിലർമാരായ റെജിനോൾഡ് വർഗീസ്, ബിജു കാഞ്ഞിരത്ത് മൂട്ടിൽ, കെ.പി കൊന്താലം, നാസർ എസ് മുഹമ്മദ്, ജെയിസൺ, ഐസക് കെ വി, റെജി മതിലുങ്കൽ, റെജി കണ്ണോത്ത്, ഗോഡ്ലി ശോശാമ്മ എന്നിവർ പ്രസംഗിച്ചു.
