തിരുവില്വാമല : തൃശ്ശൂര്‍ ജില്ലയില്‍ ബിജെപി ഭരിക്കുന്ന രണ്ടു പഞ്ചായത്തുകളിലൊന്നായ തിരുവില്വാമലയില്‍ പ്രതിപക്ഷ കക്ഷികള്‍ അവിശ്വാസത്തിന് നോട്ടീസ് നല്‍കി. യുഡിഎഫ് – എല്‍ഡിഎഫ് സംയുക്തമായാണ് അവിശ്വാസത്തിന് നേതൃത്വം നല്‍കുന്നത്. ഇതുസംബന്ധിച്ച്‌ പ്രതിപക്ഷ പഞ്ചായത്തംഗങ്ങള്‍ പഴയന്നൂര്‍ ബ്ലോക്ക് പഞ്ചായത്ത് ബി.ഡി.ഒയ്ക്ക് ഇന്ന് കത്തു നല്‍കി.
അടുത്ത 15 ദിവസത്തിനുള്ളില്‍ പ്രസിഡന്റിനെതിരെയും വൈസ് പ്രസിഡന്റിനെതിരെയുള്ള അവിശ്വാസം ചര്‍ച്ചയ്‌ക്കെടുക്കും. കഴിഞ്ഞ തിരഞ്ഞെടുപ്പില്‍ ബിജെപിയും യുഡിഎഫും ആറു സീറ്റുകള്‍ നേടി ഏറ്റവും വലിയ ഒറ്റക്കക്ഷിയായപ്പോള്‍ നറുക്കെടുപ്പിലൂടെയാണ് ബിജെപിയ്ക്ക് പ്രസിഡന്റ്, വൈസ് പ്രസിഡന്റ് സ്ഥാനങ്ങള്‍ ലഭിച്ചിരുന്നത്. സിപിഐ എം അഞ്ചുസീറ്റുകളും നേടി. 17 വാര്‍ഡുകളാണ് തിരുവില്വാമല ഗ്രാമ പഞ്ചായത്തിലുള്ളത്.
