29.7 C
Pathanāmthitta
Sunday, June 26, 2022 2:24 pm

പുനലൂര്‍ മൂവാറ്റുപുഴ സംസ്ഥാന പാത നിര്‍മ്മാണം ഇഴഞ്ഞ് നീങ്ങുന്നു

കോന്നി : മഴ മാറി വെയില്‍ തെളിഞ്ഞിട്ടും പുനലൂര്‍ മൂവാറ്റുപുഴ സംസ്ഥാന പാതയുടെ നിര്‍മ്മാണ പ്രവര്‍ത്തനങ്ങള്‍ ഇഴഞ്ഞ് നീങ്ങുന്നു. കോന്നി നഗര മധ്യത്തിലൂടെ കടന്നുപോകുന്ന സംസ്ഥാന പാതയില്‍ പുനലൂര്‍ മുതല്‍ റാന്നി വരെ പല സ്ഥലങ്ങളും പൊളിച്ചിട്ടിരിക്കുന്ന കാഴ്ച്ചയാണ് കാണാന്‍ സാധിക്കുന്നത്. കോന്നിയില്‍ പലയിടങ്ങളിലും റോഡുകളില്‍ കലുങ്ക് നിര്‍മ്മാണവും ഇത് വളരെ പതിയെയാണ് നടക്കുന്നത്. റോഡിന്റെ മധ്യഭാഗത്താണ് ഇത്തരം നിര്‍മ്മാണ പ്രവര്‍ത്തനങ്ങള്‍ നടക്കുന്നത് എന്നതിനാല്‍ തന്നെ നിര്‍മ്മാണം ഇഴഞ്ഞ് നീങ്ങുന്നത് ഗതാഗതത്തെ സാരമായി ബാധിക്കുന്നുണ്ട്.

കലഞ്ഞൂര്‍ മുതലുള്ള ഭാഗത്ത് റോഡില്‍ പലയിടങ്ങളിലും കലുങ്കിന്റെയും മറ്റും നിര്‍മ്മാണ പ്രവര്‍ത്തനങ്ങളുടെ ഭാഗമായി ജെ സി ബി ഉപയോഗിച്ച് കുഴികള്‍ നിര്‍മ്മിച്ചിട്ട് മാസങ്ങള്‍ കഴിഞ്ഞു. എന്നാല്‍ നിര്‍മ്മാണ പ്രവര്‍ത്തനങ്ങള്‍ യഥാസമയം പൂര്‍ത്തിയാക്കാത്തതിനാല്‍ ഇതുവഴിയുള്ള ഗതാഗതം സുഗമമാക്കുവാനും കഴിയുന്നില്ല. റോഡിനിരുവശവും ഓട സ്ഥാപിക്കുന്നതിന്റെ ഭാഗമായി പല വ്യാപാര സ്ഥാപനങ്ങളുടെയും മുന്നില്‍ കടകളിലേക്ക് കയറുവാന്‍ പോലും
സാധിക്കാത്ത അവസ്ഥയാണുള്ളത്. പെട്രോള്‍ പമ്പുകളുടെ മുന്നിലും ഇതാണ് അവസ്ഥ. മാത്രമല്ല നിര്‍മ്മാണത്തിന്റെ ഭാഗമായി നീക്കം ചെയ്ത മണ്ണും കല്ലും റോഡിലേക്ക് തള്ളുന്നതും പതിവാണ്. ഇത് വാഹനയാത്രക്കാര്‍ക്കും കാല്‍നടയാത്രക്കാര്‍ക്കും ബുദ്ധിമുട്ട് സൃഷ്ടിക്കുന്നുണ്ട്.

- Advertisment -
- Advertisment -
Advertisment
- Advertisment -

Most Popular