പുനലൂര് : കൊല്ലം ജില്ലയിലെ പ്രമുഖ വിദ്യാഭ്യാസ സ്ഥാപനമായ പുനലൂർ സെന്റ് തോമസ് എച്ച് എസ് എസ് & സീനിയർ സെക്കന്ററി സ്കൂൾ ഏർപ്പെടുത്തിയ തോംസിയൻ സ്റ്റാർ 2023 പുരസ്കാരം ലോകത്തെ ഏറ്റവും വേഗതയേറിയ പെർഫോമിംഗ് ചിത്രകാരൻ, ഹരിതാശ്രമം പാരിസ്ഥിതിക ഗുരുകുലം ഡയറക്ടർ, ഭൗമശില്പി എന്നീ നിലകളിൽ അന്താരാഷ്ട്ര ഖ്യാതി നേടിയ ജിതേഷ്ജിക്കും ലോകത്തെ ഏറ്റവും ഉയരം കുറഞ്ഞ നായക നടൻ, സിനിമാ സംവിധായകൻ എന്ന നിലകളിൽ ലോക റെക്കോർഡ് നേടിയ ഗിന്നസ് പക്രുവിനും (അജയകുമാർ ) ലഭിച്ചു.
ഇരുവരും ജീവിതപ്രതിബന്ധങ്ങളെ ചവിട്ടുപടിയാക്കി കലാ സാംസ്കാരിക മേഖലകളിൽ ഇക്കഴിഞ്ഞ മൂന്നു പതിറ്റാണ്ടിലേറെക്കാലമായി നിസ്തുലമായി മുന്നേറിക്കൊണ്ടിരിക്കുന്നവരാണ്. 2023 ഫെബ്രുവരി 11ആം തീയതി ശനിയാഴ്ച രാവിലെ 10മണിക്ക് പുനലൂർ സെന്റ് തോമസ് എച്ച് എസ് എസ് & സീനിയർ സെക്കണ്ടറി സ്കൂൾ അങ്കണത്തിൽ നടക്കുന്ന സമ്മേളനത്തിൽ കേരള നിയമസഭ ഡപ്യൂട്ടി സ്പീക്കർ ചിറ്റയം ഗോപകുമാർ പുരസ്കാരസമർപ്പണം നിർവഹിക്കും. 25000 രൂപയും പ്രശസ്തിപത്രവും ഫലകവും അടങ്ങുന്നതാണ് പുരസ്കാരം.
വീഡിയോ എഡിറ്ററെ ആവശ്യമുണ്ട്
Eastindia Broadcasting Pvt. Ltd. ന്റെ ഉടമസ്ഥതയിലുള്ള പ്രമുഖ ഓണ്ലൈന് ന്യൂസ് ചാനല് ആയ പത്തനംതിട്ട മീഡിയായിലേക്ക് വീഡിയോ എഡിറ്ററെ ആവശ്യമുണ്ട്. യോഗ്യരായ ഉദ്യോഗാര്ത്ഥികളില് നിന്നും അപേക്ഷകള് ക്ഷണിക്കുന്നു. ഏതെങ്കിലും ഓണ്ലൈന് ന്യുസ് ചാനലിന്റെ വീഡിയോ പ്ലാറ്റ്ഫോം കൈകാര്യം ചെയ്തുള്ള പരിചയം ഉണ്ടായിരിക്കണം. പത്തനംതിട്ട ഓഫീസില് ആയിരിക്കും ജോലി ചെയ്യേണ്ടത്. ശമ്പളം തുടക്കത്തില് 15000 രൂപാ പ്രതിമാസം ലഭിക്കും. താല്പ്പര്യമുള്ളവര് പാസ്പോര്ട്ട് സൈസ് ഫോട്ടോ സഹിതം വിശദമായ ബയോഡാറ്റാ മെയില് ചെയ്യുക. [email protected] കൂടുതല് വിവരങ്ങള്ക്ക് 94473 66263, 85471 98263, 0468 2333033 എന്നീ നമ്പരുകളില് ബന്ധപ്പെടാം.