തിരുവനന്തപുരം : ഇതര സംസ്ഥാനങ്ങളില്നിന്ന് വരുന്നവരില് 2 ഡോസ് വാക്സീന് സ്വീകരിച്ചവര്ക്ക് കേരളത്തില് പ്രവേശിക്കാന് ആര്.ടി.പി.സി.ആര് പരിശോധനാഫലം വേണ്ടെന്ന് ഉത്തരവ്. നെഗറ്റീവ് സര്ട്ടിഫിക്കറ്റ് ആവശ്യപ്പെടുന്ന എല്ലാ കാര്യങ്ങള്ക്കും വാക്സിനേഷന് സര്ട്ടിഫിക്കറ്റ് മതി.
സംസ്ഥാനാന്തര യാത്ര, വിനോദസഞ്ചാരം തുടങ്ങിയവ ഉള്പ്പെടെയുള്ള കാര്യങ്ങള്ക്ക് ഈ ഇളവ് ബാധകമാണ്. യാത്രക്കാര് വാക്സിനേഷന് സര്ട്ടിഫിക്കറ്റ് കയ്യില് കരുതണം. എന്നാല് കോവിഡ് രോഗലക്ഷണങ്ങള് ഉള്ളവര് ആര്.ടി.പി.സി.ആര് നെഗറ്റീവ് സര്ട്ടിഫിക്കറ്റ് ഹാജരാക്കണം.