പന്തളം : എസ് പി സി പദ്ധതിയുടെ പതിനഞ്ചാം വാർഷിക ദിനം തോട്ടക്കോണം എസ് പി സി യൂണിറ്റ് വിപുലമായി ആഘോഷിച്ചു. പരിപാടിയുടെ ഭാഗമായി പന്തളം എസ് ഐ സി വി വിനോദ് കുമാർ എസ് പി സി പതാക ഉയർത്തി. തുടർന്ന് ഗാർഡിയൻ എസ് പി സി പ്രസിഡന്റ് ബിജു കുര്യന്റെ അധ്യക്ഷതയിൽ നടന്ന ചടങ്ങ് പന്തളം നഗരസഭ കൗൺസിലർ കെ ആർ വിജയകുമാർ ഉദ്ഘാടനം ചെയ്തു. പി ടി എ പ്രസിഡന്റ് ടി എം പ്രമോദ് കുമാർ സംസാരിച്ചു. പന്തളം എസ് ഐ പി കെ രാജൻ രക്ഷകർത്താക്കൾക്ക് ലഹരി വിരുദ്ധ ബോധവൽക്കരണ ക്ലാസ് എടുത്തു.
എസ് പി സി പദ്ധതിയിൽ പുതുതായി ചേർന്ന ജൂനിയർ കേഡറ്റുകളുടെ രക്ഷകർത്താക്കൾക്ക് എസ് പി സിയുടെ പ്രവർത്തനങ്ങളും നിയമങ്ങളും സംബന്ധിച്ച് പ്രത്യേക ബോധവൽക്കരണ സെഷൻ സംഘടിപ്പിച്ചു. കൂടാതെ രക്ഷകർത്താക്കളുടെ പങ്ക് നിർണായകം ആകുന്ന ഗാർഡിയൻ എസ് പി സി യുടെ ലക്ഷ്യങ്ങളും ഉദ്ദേശങ്ങളും വിശദമായി അവതരിപ്പിച്ചു. ഡി ഐ അൻസാജു, സിപിഒ മാരായ സി ആർ ഗീത, എ മോത്തിമോൾ എന്നിവർ ബോധവൽക്കരണ സെഷനുകൾക്ക് നേതൃത്വം നൽകി. പന്തളം സീതാലയം ഹോമിയോ ആശുപത്രിയിലെ ഡോക്ടർ ശീതൾ, ടോട്ടൽ ഹെൽത്ത് മാനേജ്മെന്റ് എന്ന വിഷയത്തെ അടിസ്ഥാനമാക്കി കേഡറ്റുകൾക്ക് ക്ലാസ് എടുത്തു.
