ഡല്ഹി: പ്രതിഷേധിക്കുന്ന ഗുസ്തി താരങ്ങള്ക്ക് ഐക്യദാര്ഢ്യം പ്രഖ്യാപിച്ച് ആയിരക്കണക്കിന് കര്ഷകര് ഡല്ഹിയിലേക്ക്. ബ്രിജ് ഭൂഷണ് സിംഗിനെതിരെ പ്രതിഷേധിക്കുന്ന ഗുസ്തി താരങ്ങള്ക്ക് ഐക്യദാര്ഢ്യം പ്രഖ്യാപിച്ച് ആയിരക്കണക്കിന് കര്ഷകര് മെയ് 7ന് ജന്തര്മന്തറിലെത്തും. സംയുക്ത കിസാന് മോര്ച്ചയുടെ ബാനറിന് കീഴില് കര്ഷകര് വനിതാ ഗുസ്തി താരങ്ങള്ക്ക് പിന്തുണ പ്രഖ്യാപിച്ച് ദേശീയതലത്തില് പ്രക്ഷോഭവും പ്രതിഷേധ പരിപാടികളും പ്രഖ്യാപിച്ചിട്ടുണ്ട്.
പോക്സോ നിയമപ്രകാരം രണ്ട് എഫ്ഐആറുകള് നേരിടുന്ന ബിജെപി എംപി കൂടിയായ ബ്രിജ് ഭൂഷണ് സിംഗിനെതിരെ ഉടന് നടപടിയെടുക്കണമെന്ന് കര്ഷകസംഘം ആവശ്യപ്പെട്ടു. മെയ് 7ന്, പഞ്ചാബ്, ഹരിയാന, ഡല്ഹി, പശ്ചിമ ഉത്തര്പ്രദേശ് എന്നിവിടങ്ങളില് നിന്നുള്ള സംയുക്ത കിസാന് മോര്ച്ചയുടെ നിരവധി മുതിര്ന്ന നേതാക്കളും നൂറുകണക്കിന് കര്ഷകരും ഗുസ്തി താരങ്ങള്ക്ക് പിന്തുണ നല്കുന്നതിനായി ജന്തര് മന്തറിലെ പ്രതിഷേധ സ്ഥലം സന്ദര്ശിക്കും.
