വടകര: സെക്രട്ടറി സ്ഥാനത്ത് നിന്നും പിന്മാറിയില്ലെങ്കില് മകന്റെ കൈ പിഴുതെടുക്കുമെന്ന് എസ്എന്ഡിപി നേതാവിന് ഭീഷണി. കോഴിക്കോട് വടകരയിലാണ് സംഭവം. വടകര എന്എന്ഡിപി യൂണിയന് സെക്രട്ടറി പി എം രവീന്ദ്രന് നേരെയാണ് ഭീഷണിയുണ്ടായത്. മകന്റെ ഭാര്യയുടെ വീടിന് മുന്നില് നിന്ന് റീത്തും ഭീഷണിക്കത്തും ലഭിച്ചു. ഇനി മുന്നറിയിപ്പ് ഉണ്ടാകില്ലെന്നും മകന്റെ കൈ പിഴുതെടുക്കുമെന്നുമാണ് ഭീഷണി. എസ്എന്ഡിപി ഗ്രൂപ്പ് പോരിന്റെ ഭാഗമായാണ് സംഭവം ഉണ്ടായതെന്ന സംശയവും നിലനില്ക്കുന്നുണ്ട്. സംഭവത്തില് വടകര പോലീസ് അന്വേഷണം ആരംഭിച്ചു.
അതേസമയം 2022 ലും സമാനരീതിയിലുള്ള ഭീഷണി പി എം രവീന്ദ്രന് നേരെയുണ്ടായിരുന്നു. വീടിന് നേരെ കല്ലേറും വാഹനങ്ങള് എറിഞ്ഞു തകര്ക്കുന്ന സാഹചര്യവും ഉണ്ടായി. അന്ന് പോലീസില് പരാതി നല്കിയിരുന്നെങ്കിലും പ്രതിയെ പിടികൂടാന് സാധിച്ചിരുന്നില്ല. സി സി ടി വി ദൃശ്യങ്ങള് ഉള്പ്പെടെയാണ് നല്കിയത്.
