കല്പ്പറ്റ : രാഹുല് ഗാന്ധിയുടെ ഓഫിസ് ആക്രമണത്തില് പ്രതിചേര്ക്കപ്പെട്ടതിന് പിന്നാലെ പോലീസിനെതിരെ ഭീഷണിയുമായി ആരോഗ്യമന്ത്രിയുടെ മുന് പേഴ്സണല് സ്റ്റാഫംഗം അവിഷിത്ത്. കേരളത്തിലെ പോലീസ് കോണ്ഗ്രസിന്റെ പണിയാണ് എടുക്കുന്നതെങ്കില് തങ്ങള്ക്ക് പ്രതിരോധം തീര്ക്കേണ്ടി വരുമെന്ന് അവിഷിത്ത് ഫേസ്ബുക്ക് പോസ്റ്റില് കുറിച്ചു.
ഫേസ്ബുക്ക് പോസ്റ്റിന്റെ പൂര്ണ്ണ രൂപം
എസ്.എഫ്.ഐ എന്തിന് ബഫര്സോണ് വിഷയത്തില് ഇടപെടണം എസ്.എഫ്.ഐക്ക് അതില് ഇടപെടാന് എന്ത് ആവിശ്യമാണുള്ളത് എന്ന് ചോദിക്കുന്നവരോട് ഈ നാട്ടിലെ ജനങ്ങളെ ബാധിക്കുന്ന എല്ലാ വിഷയവും വിദ്യാര്ത്ഥികള് എന്ന നിലയില് എസ്.എഫ്.ഐ യുടെ കൂടെ വിഷയമാണ്…
സമരത്തില് ഉണ്ടായിട്ടുള്ള അനിഷ്ടസംഭവങ്ങള് അത് ആ സംഘടനയുടെ നേതൃത്വം പരിശോധിക്കട്ടെ, നിയമപരമായി നീങ്ങട്ടെ. ഇപ്പോള് വയനാട് MP വീണ്ടും 3 ദിവസത്തെ സന്ദര്ശനത്തിന് വരുന്നുണ്ട് പോലും വീണ്ടും ഞങ്ങള് ആവര്ത്തിക്കുകയാണ് വയനാട് MP ക്ക് സന്ദര്ശനത്തിന് വരാന് ഉള്ള സ്ഥലമല്ല അയാളുടെ പാര്ലമെന്റ് മണ്ഡലം..
ഈ സംഭവത്തിന്റെ പേരില് SFI യെ വേട്ടയാടി ചോരകുടിക്കാം എന്ന് കരുതിയിട്ടുണ്ടെങ്കില് കേരളത്തിലെ പോലീസ് കോണ്ഗ്രസ് പ്രവര്ത്തകരുടെ പണിയാണ് എടുക്കാന് ഉദ്ദേശിക്കുന്നതെങ്കില് ഞങ്ങള്ക്ക് പ്രതിരോധം തീര്ക്കേണ്ടി വരും.
