റാന്നി: റാന്നി പോലീസ് പത്തനംതിട്ട ഡോഗ് സ്ക്വാഡിന്റെ സഹായത്താൽ നടത്തിയ റെയ്ഡില് നിരോധിത പുകയില ഉൽപ്പന്നം വില്പ്പന നടത്തിവന്ന മൂന്നു പേരെ പിടികൂടി. തോട്ടമണ് ചെറുതാലേത്ത് വീട് സന്തോഷ് കുമാർ, റാന്നി തോട്ടമണ് തോപ്പിൽ വീട് എബ്രഹാം, യു പി സ്വദേശി രാജേഷ് സെൻകാർ എന്നിവരാണ് അറസ്റ്റിലായത്. ഓണക്കാലത്ത് നിരവധി പുകയില ഉൽപ്പന്നങ്ങൾ സ്റ്റോക്ക് ചെയ്തിരിക്കുന്നു എന്നുള്ള രഹസ്യ വിവരത്തിന്റെ അടിസ്ഥാനത്തിൽ ഡിവൈഎസ്പി ജെ.സന്തോഷ് കുമാറിന്റെ നിർദ്ദേശപ്രകാരം പത്തനംതിട്ട ഡോഗ് സ്ക്വാഡിന്റെ നർക്കോട്ടിക്ക് ഡ്രഗ് ഡോഗുകളായ റാംബോ, സാമന്ത എന്നിവയുടെ സഹായത്തോടെ റെയ്ഡ് നടത്തിയാണ് സാധനങ്ങള് കണ്ടെടുത്തത്. പരിശോധനയിൽ ഇൻസ്പെക്ടർ എം ആർ സുരേഷ്, എസ് ഐ ഹരിക്കുമാർ, സി പി ഓമാരായ സാബു, അശ്വദീഷ്, ഡോഗ് ഹാൻഡിലർ സി പി ഓമാരായ ജോർജ്ജ്, രാജേഷ് കുമാർ എന്നിവരും സംഘത്തില് ഉണ്ടായിരുന്നു.
