കൊച്ചി : നടുറോഡിൽ യുവതിയോട് അതിക്രമം കാണിച്ച സംഭവത്തിൽ ഹൈക്കോടതിയിലെ ജീവനക്കാർ അടക്കം മൂന്നുപേർ പോലീസ് പിടിയിൽ. കിഴക്കമ്പലം സ്വദേശി ഇളവുങ്കൽ വീട്ടിൽ ജിഫി എബ്രഹാം (37), ഹൈക്കോടതിയിലെ ജീവനക്കാരായ എടവനക്കാട് സ്വദേശി മാളിയേക്കൽ ജസ്റ്റിൻ (35), വടുതല സ്വദേശി പള്ളിയേടത്തു പി.എ വൈസ് (33) എന്നിവരെയാണ് എറണാകുളം സെൻട്രൽ പോലീസ് അറസ്റ്റ് ചെയ്തത്.
ശനിയാഴ്ച പുലർച്ചെ 1.15 ന് എറണാകുളം ചാത്യാത്ത് റോഡിലാണ് സംഭവം. ബെർത്ത് ഡേ പാർട്ടിയോടനുബന്ധിച്ച് സുഹൃത്തുക്കളോടൊപ്പം ബൈക്കിൽ വന്ന യുവതിയെ പ്രതികൾ കാറിൽ പിന്തുടർന്നു. തടഞ്ഞുനിർത്തി വണ്ടിയിൽനിന്ന് വലിച്ചിറക്കി. യുവതിയെ അസഭ്യംപറഞ്ഞ് ദേഹത്ത് കടന്നുപിടിക്കുകയും ലൈംഗിക ബന്ധത്തിനായി ആവശ്യപ്പെടുകയുമായിരുന്നു പ്രതികളെന്ന് പോലീസ് പറഞ്ഞു.
