കൊച്ചി : ഒരു ദിവസം മൂന്ന് മോഷണങ്ങള് നടത്തിയ കള്ളനെ പിടികൂടി പോലീസ്. കോട്ടയം മീനച്ചല് സ്വദേശിയായ വേണുഗോപാലിനെയാണ് പോലീസ് സാഹസികമായി പിടികൂടിയത്. തിങ്കളാഴ്ച രാവിലെ 10 മണിയോടെ ആലുവ ബാങ്ക് ജംഗ്ഷനില് നിന്ന് ബൈക്ക് മോഷ്ടിച്ച് കടന്ന ഇയാള് എടത്തലയില് യാത്രക്കാരന്റെ പക്കല് നിന്നും മൊബൈല് തട്ടിപ്പറിച്ചെടുത്താണ് മോഷണത്തിന് തുടക്കമിട്ടത്.
എന്നാല് പോലീസ് പിന്തുടര്ന്നതോടെ ഇയാള് ബൈക്ക് ഉപേക്ഷിച്ചു. തുടര്ന്ന് എടത്തലയില് നിന്നും മറ്റൊരു ബൈക്ക് മോഷ്ടിച്ച് രക്ഷപെടാൻ ശ്രമിക്കുന്നതിനിടെയാണ് ഇയാള് പോലീസ് പിടിയിലായത്. മൂന്ന് മൊബൈല് ഫോണുകള് ഇയാളില് നിന്നും പോലീസ് പിടികൂടി. ഇരുപതിലേറെ മോഷണകേസുകളില് പ്രതിയാണ് വേണുഗോപാല്. റൂറല് എസ്.പി കാര്ത്തികേയന്റെ മേല്നോട്ടത്തില് ഡി.വൈ.എസ്.പി ശിവന്കുട്ടി, ഇന്സ്പെക്ടര് സി.എല് സുധീര് എസ്.ഐ ആര്.വിനോദ് എന്നിവരാണ് പ്രതിയെ പിടികൂടിയത്.
