ഹൈദരാബാദ് : അച്ഛന്റെ മര്ദ്ദനമേറ്റ് മൂന്ന് വയസ്സുള്ള കുഞ്ഞിന് ഗുരുതര പരിക്ക്. കുട്ടിയെ ആശുപത്രിയിൽ പ്രവേശിപ്പിച്ചു. ഹൈദരാബാദിലാണ് സംഭവം. കൊലപാതക ശ്രമത്തിനും ജുവനൈൽ ജസ്റ്റിസ് ആക്ട് പ്രകാരവും കുട്ടിയുടെ പിതാവിനെതിരെ പോലീസ് കേസെടുത്തു. കുട്ടിയുടെ അമ്മയാണ് അച്ഛനെതിരെ മൊഴിനല്കിയത്. ഇവര്ക്ക് നാല് പെൺ മക്കളാണ് ഉള്ളതെന്ന് പോലീസ് മാധ്യമങ്ങളോട് പറഞ്ഞു.
സംഭവത്തെപ്പറ്റി കുട്ടിയുടെ അമ്മ പറയുന്നത്;- ശുചിമുറിയിൽ കുളിക്കുകയായിരുന്ന തന്റെ മൂന്നാമത്തെ കുഞ്ഞിനെ ഭര്ത്താവ് മര്ദ്ദിക്കുകയായിരുന്നു. കുളിമുറിയിൽ നിന്ന് പുറത്തുവരാത്തതിന് വലിയ തവി ഉപയോഗിച്ചാണ് അയാള് കുട്ടിയെ തുടര്ച്ചയായി അടിച്ചത്. തടയാൻ ചെന്ന തന്നെ തള്ളിയിട്ടു. പിന്നീട് കുഞ്ഞിനെ കുളിമുറിയിൽ നിന്ന് തറയിലേക്ക് വലിച്ചെറിഞ്ഞു. അൽപ്പ നേരത്തിന് ശേഷം ഞാനാണ് കുട്ടിയെ ആശുപത്രിയിലെത്തിച്ചത്. മറ്റ് യുവതികളെയും ഇയാള് ഉപദ്രവിക്കാറുണ്ട്.
