തൃശ്ശൂര് : തൃശ്ശൂര് ജില്ലയില് ഇന്ന് ബുധനാഴ്ച 44 പേര്ക്ക് കൂടി കോവിഡ് സ്ഥിരീകരിച്ചു. കൂടാതെ കോവിഡ് ബാധിച്ച് ജില്ലയിലെ വിവിധ ആശുപത്രികളില് നിലവില് ചികിത്സയിലുള്ള 24 പേരും വീട്ടു നിരീക്ഷണത്തിലുള്ള 189 പേരും ചേര്ന്ന് 257 പേരാണ് ജില്ലയില് ആകെ രോഗബാധിതരായിട്ടുള്ളത്. 46 പേര് രോഗമുക്തരായി. ജില്ലയില് ഇതുവരെ കോവിഡ് സ്ഥിരീകരിച്ചവരുടെ എണ്ണം 6,68,810 ആണ്.
6,63,506 പേരെയാണ് ആകെ രോഗമുക്തരായി ഡിസ്ചാര്ജ് ചെയ്തത്. ജില്ലയില് ബുധനാഴ്ച സമ്പര്ക്കം വഴി 44 പേര്ക്കാണ് രോഗം സ്ഥിരീകരിച്ചത്. 1,563 സാമ്പിളുകളാണ് പരിശോധനയ്ക്ക് എടുത്തത്. ഇതില് 684 പേര്ക്ക് ആന്റിജന് പരിശോധനയും, 807 പേര്ക്ക് ആര്ടി പിസിആര് പരിശോധനയും 72 പേര്ക്ക് സിബിനാറ്റ്/ട്രുനാറ്റ്/പിഒസി പിസിആര്/ആര്ടി ലാംപ് പരിശോധനയുമാണ് നടത്തിയത്.
ജില്ലയില് ഇതുവരെ ആകെ 43,63,715 സാമ്പിളുകളാണ് പരിശോധനയ്ക്ക് അയച്ചത്. ഇന്നത്തെ ടെസ്റ്റ് പോസിറ്റിവിറ്റി നിരക്ക് 02.82% ആണ്. ജില്ലയില് ഇതുവരെ 50,33,606 ഡോസ് കോവിഡ് 19 വാക്സിന് വിതരണം ചെയ്തു. ഇതില് 25,66,703 പേര് ഒരു ഡോസ് വാക്സിനും 23,49,687 പേര് രണ്ട് ഡോസ് വാക്സിനും സ്വീകരിച്ചു. ജില്ലയില് 1,17,216 പേര് കരുതല് ഡോസ് വാക്സിന് സ്വീകരിച്ചു.
