തൃശൂര്: തൃശൂര് പൂരത്തോടനുബന്ധിച്ച് കൂടുതല് തീവണ്ടികള്ക്ക് പ്രത്യേക സ്റ്റോപ്പ്. ഏപ്രില് 30, മെയ് 1 തീയതികളില് ഏതാനും തീവണ്ടികള്ക്ക് പൂങ്കുന്നത്ത് പ്രത്യേക സ്റ്റോപ്പ് റെയില്വേ അനുവദിച്ചു. എറണാകുളം – കണ്ണൂര് ഇന്റര് സിറ്റി (16305) രാവിലെ 7.19നും, നാഗര്കോവില് – മംഗലാപുരം പരശുറാം എക്സ്പ്രസ് (16649) ഉച്ചയ്ക്ക് 12.31നും, മംഗലാപുരം – നാഗര്കോവില് പരശുറാം എക്സ്പ്രസ് (16649) ഉച്ചയ്ക്ക് 11.54നും, കണ്ണൂര് – എറണാകുളം ഇന്റര് സിറ്റി (16306)വൈകീട്ട് 18.28നും പൂങ്കുന്നത്ത് നിര്ത്തും.
അതേസമയം പൂരത്തോടനുബന്ധിച്ച് കോര്പ്പറേഷന് പരിധിയില് മദ്യ നിരോധനം പ്രഖ്യാപിച്ച് ജില്ലാ കളക്ടര്. ഏപ്രില് 29ന് ഉച്ചയ്ക്ക് രണ്ട് മുതല് മെയ് ഒന്നിന് ഉച്ചയ്ക്ക് രണ്ട് മണിവരെ നിരോധനം ഏര്പ്പെടുത്തിയിരിക്കുന്നത്. കോര്പ്പറേഷന് പരിധിയിലെ എല്ലാ മദ്യശാലകളും അടച്ചിടണമെന്നും മറ്റു ലഹരി വസ്തുക്കളുടെ വിതരണവും വില്പ്പനയും നിരോധിച്ചു കൊണ്ടുമാണ് ജില്ലാ കളക്ടര് വി ആര് കൃഷ്ണ തേജയുടെ ഉത്തരവ്. 48 മണിക്കൂര് സമയത്തേക്കാണ് നിരോധനം.
