പന്തളം : തുമ്പമൺ എൻ.എസ്.കെ. ഇന്റർനാഷണൽ സ്‌കൂളിൽ പ്രതിഭകളുമായി സംവദിക്കുന്ന പരിപാടിയുടെ ഉദ്ഘാടനം ശനിയാഴ്ച നടക്കുമെന്ന് ഭാരവാഹികൾ. 10.30-ന് നൂറുൽ ഇസ്‍ലാം സെന്റർ ഫോർ ഹയർ എജുക്കേഷൻ വൈസ് ചാൻസലർ ഡോ. ടെസി തോമസ് ഉദ്ഘാടനം ചെയ്യും. ചെയർമാൻ ആൻഡ് മാനേജിങ് ഡയറക്ടർ സുരേന്ദ്രകുമാർ അധ്യക്ഷത വഹിക്കും. തുടർന്ന് നടക്കുന്ന സംവാദത്തിൽ ആശാ സൂസൻ മോഡറേറ്ററാകും. ശാസ്ത്ര-സാങ്കേതിക- സാഹിത്യ മേഖലകളിൽ കഴിവ്‌ തെളിയിച്ച പ്രതിഭകളുമായി വിദ്യാർഥികൾക്ക് നേരിട്ട് സംവദിക്കാനും അവരുടെ കഴിവുകൾ കണ്ടെത്താനുമുള്ള അവസരം ഒരുക്കുകയാണ് ഇതിന്റെ ലക്ഷ്യം. വിദ്യാർഥികളുടെ മികവുയർത്തുന്നതിനായി പൊതുജന പങ്കാളിത്തത്തോടെ ഈ വർഷം വിവിധ പരിപാടികൾ ആവിഷ്‌കരിച്ചിട്ടുണ്ടെന്നും സ്റ്റാർട്ട് അപ് സംരംഭം, വിദേശ ഭാഷാപരിചയം, കലിഗ്രഫി, വ്യവസായം തുടങ്ങിയ വിഷയങ്ങളെ അടിസ്ഥാനമാക്കിയുള്ള ക്ലാസുകൾ സംഘടിപ്പിക്കുമെന്നും ഡയറക്ടർ ആർ.കാർത്തികേയൻ പിള്ള, സീനിയർ അഡ്വൈസർ സി.പി.ജയശങ്കർ, പ്രിൻസിപ്പൽ സ്മിത നെടിയപറമ്പത്ത്, അഡ്മിനിസ്‌ട്രേഷൻ വിഭാഗം മേധാവി അല്ലി സി.മന്ത്രി എന്നിവർ പറഞ്ഞു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
