മൂന്നാര്‍: ചെങ്കുളത്ത് ജനവാസ മേഖലയില്‍ പുലി ഇറങ്ങി. ചെങ്കുളം ഡാമിനോട് ചേര്‍ന്ന് ജനവാസ മേഖലയ്ക്കു സമീപത്തായാണ് പുലിയെ കണ്ടത്. കഴിഞ്ഞ രാത്രിയില്‍ വെള്ളത്തൂവല്‍ പോലീസ് സ്റ്റേഷനിലെ എ എസ് ഐ പ്രകാശ്, ഡ്രൈവര്‍ നിഷാദ് എന്നിവര്‍, പട്രോളിംഗ് നടത്തുന്നതിനിടെ പുലിയെ കണ്ടെത്തുകയായിരുന്നു. ഇവരാണ് ദൃശ്യം മൊബൈലില്‍ പകര്‍ത്തിയത്. റോഡ് മുറിച്ചു കടക്കാന്‍ ശ്രമിയ്ക്കുന്നിതിനിടെയാണ് പുലി പോലീസ് വാഹനത്തിന്റെ മുന്‍പില്‍ പെട്ടത്.
പ്രദേശത്ത്, മുന്‍പ് നിരവധി തവണ പുലിയുടെ ആക്രമണം ഉണ്ടായിട്ടുണ്ട്. ഇടുക്കിയില്‍ വന മേഖലയോട് ചേര്‍ന്നുള്ള ജനവാസ കേന്ദ്രങ്ങളിലേക്ക് പുലി കടക്കുന്നത് നിത്യ സംഭവം ആയി മാറിയിരിയ്ക്കുകയുമാണ്. മാങ്കുളം, പള്ളിവാസല്‍, രണ്ടാം മൈല്‍ മേഖലകളില്‍ പതിവായി പുലി എത്താറുണ്ട്. നിരവധി വളര്‍ത്തു മൃഗങ്ങള്‍ പുലിയുടെ ആക്രമണത്തില്‍ കൊല്ലപ്പെട്ടിട്ടുണ്ട്. പുലിയെ കണ്ട വിവരം പോലീസ് വനം വകുപ്പിനെ അറിയിച്ചു. വന മേഖലയോട് ചേര്‍ന്ന പ്രദേശത്ത് വനം വകുപ്പ് നിരീക്ഷണം ശക്തമാക്കും.
