തിരുവനന്തപുരം : പാറശാലയില് അമിതവേഗത്തിലെത്തിയ ടിപ്പര് ലോറി ബൈക്കിലിടിച്ച് മൂന്ന് വയസ്സുകാരി മരിച്ചു. കളിയിക്കാവിള സ്വദേശികളായ യഹോവ പോള് രാജിന്റെയും അശ്വതിയുടെയും മകള് ഋതികയാണ് മരിച്ചത്. ഗുരുതരമായി പരിക്കേറ്റ മാതാപിതാക്കള് തിരുവനന്തപുരം മെഡിക്കല് കോളേജില് ചികിത്സയിലാണ്. ടിപ്പര് ലോറി ഡ്രൈവര് മദ്യ ലഹരിയിലായിരുന്നു എന്നാണ് പ്രാഥമിക വിവരം. പരിക്കേറ്റു ഗുരുതരാവസ്ഥയിലുള്ള അശ്വതി ഗര്ഭിണിയാണെന്ന് ഡോക്ടര്മാര് പറഞ്ഞു. ടിപ്പര് ഡ്രൈവര് അശ്രദ്ധമായാണ് വാഹനമോടിച്ചതെന്നും ബൈക്ക് യാത്രികര്ക്ക് നേരെ ടിപ്പര് ഇടിച്ചുകയറുകയായിരുന്നുവെന്നും ദൃക്സാക്ഷികള് പറഞ്ഞു.
