റാന്നി : ഇരുചക്ര വാഹന യാത്രക്കാരനെ രക്ഷിക്കാന് ശ്രമിക്കുന്നതിനിടയില് ടിപ്പര് ലോറി നടു റോഡില് തലകീഴായ് മറിഞ്ഞു. രണ്ടു വീടുകളുടെ മധ്യത്തിലായി മറിഞ്ഞതു മൂലം ഒഴിവായത് വന് ദുരന്തമാണ്. അമിത വേഗതയിലെത്തിയ ലോറി തൊട്ടു മുന്പില് പോയ ഇരുചക്ര വാഹനം പെട്ടെന്നു ബ്രേക്ക് ചെയ്തതോടെ അതില് ഇടിക്കാതിരിക്കാന് വെട്ടിച്ചതോടെയാണ് മറിഞ്ഞത്. ഇരുചക്ര വാഹനത്തില് യാത്ര ചെയ്തു തമിഴ്നാട് സ്വദേശിക്കും ലോറി ഡ്രൈവര്ക്കും നിസാര പരിക്കേറ്റു. മുക്കട – ഇടമണ് – അത്തിക്കയം എം.എല്.എ റോഡില് ഇടമുറി തോമ്പിക്കണ്ടം അംഗണവാടിക്കു സമീപം മങ്ങാട്ടു പടിയില് ഇന്നു രാവിലെ 7.45ഓടെയാണ് സംഭവം.
ചെമ്പനോലിയിലെ സ്വകാര്യ ക്രഷര് യൂണിറ്റില് നിന്നും പാറ ഉത്പന്നങ്ങളുമായി എത്തിയ ലോറിയാണ് മറിഞ്ഞത്. വൈദ്യുതി തൂണിലും റോഡിന്റെ കെട്ടിലും ഇടിച്ച ലോറി രണ്ടു വീടുകളുടെ മധ്യത്തിലേക്കാണ് മറിഞ്ഞത്. അതുകൊണ്ടു തന്നെ വലിയ ദുരന്തമാണ് വഴിമാറിയത്. റോഡ് അടുത്ത സമയത്ത് ഉന്നത നിലവാരത്തില് പുനരുദ്ധരിച്ചതോടെ നിരവധി അപകടങ്ങളാണ് ഇവിടെ നിത്യേനെ ഉണ്ടാകുന്നത്. ടിപ്പര് ലോറിയുടെ അമിത വേഗത നിയന്ത്രിക്കാന് നടപടി വേണമെന്ന് നാട്ടുകാര് ആവശ്യപ്പെട്ടു.
