ഡല്‍ഹി : കൊറോണ ബാധിത രാജ്യമായ ഇറാനില്‍ നിന്ന് ഇന്ത്യക്കാരുമായി എയര്‍ ഇന്ത്യ വിമാനം ഇന്നെത്തും. 120 ഇന്ത്യക്കാരെയാണ് നാട്ടിലേക്ക് തിരിച്ച്‌ എത്തിക്കുന്നത്. രാജസ്ഥാനിലെ ജയ്‌സാല്‍ മീറിലാണ് വിമാനമെത്തുക. തിരിച്ച്‌ എത്തിക്കുന്ന 120 പേരെയും ജയ്‌സാല്‍മീറില്‍ തയ്യാറാക്കിയിരിക്കുന്ന പ്രത്യേക ആര്‍മി ക്യാംപില്‍ നിരീക്ഷണത്തില്‍ പ്രവേശിപ്പിക്കും.
വിമാനത്താവളത്തില്‍ വെച്ച്‌ പ്രാഥമിക കൊറോണ പരിശോധനകള്‍ നടത്തിയ ശേഷം ഇവരെ ക്വാറന്റൈന്‍ ചെയ്യും എന്ന് പ്രതിരോധ വക്താവ് കേണല്‍ സോംബിത് ഘോഷ് വ്യക്തമാക്കി. ഇറാനില്‍ നിന്നുളള 250 ഇന്ത്യക്കാര്‍ അടങ്ങുന്ന മറ്റൊരു സംഘത്തെ മാര്‍ച്ച്‌ 14ന് നാട്ടിലെത്തിക്കും. ജയ്‌സാല്‍മീറിലെ ക്യാംപില്‍ തന്നെയാണ് ഇവരെയും നിരീക്ഷണത്തില്‍ പാര്‍പ്പിക്കുക.
