തിരുവനന്തപുരം: സംസ്ഥാനത്ത് ഇന്ന് നാല് പേര്ക്ക് കൂടി കൊറോണ വൈറസ് ബാധ സ്ഥിരീകരിച്ചു. കണ്ണൂരില് മൂന്ന് പേര്ക്കും കാസര്ഗോഡ് ഒരാള്ക്കുമാണ് രോഗം സ്ഥിരീകരിച്ചത്. സംസ്ഥാനത്ത് ഇതുവരെ രോഗം സ്ഥിരീകരിച്ചവരുടെ എണ്ണം 485 ആയി. കൊറോണ അവലോകന യോഗത്തിന് ശേഷം നടന്ന വാര്ത്താസമ്മേളനത്തിലാണ് ഇക്കാര്യം അറിയിച്ചത്. രോഗം സ്ഥിരീകരിച്ചവരില് രണ്ടുപേര് വിദേശത്തുനിന്നു വന്നവരാണ്. രണ്ടുപേര്ക്ക് സമ്പര്ക്കത്തിലൂടെയാണ് രോഗബാധ ഉണ്ടായത്.
നിലവില് സംസ്ഥാനത്ത് 123 പേര് ചികിത്സയില് കഴിയുകയാണ്. ഇന്ന് 151 പേരെ ആശുപത്രിയില് പ്രവേശിപ്പിച്ചു. രോഗ വ്യാപനത്തിന്റെ പുതിയ സാഹചര്യം വിലയിരുത്തുമെന്നും മുഖ്യമന്ത്രി പറഞ്ഞു. കണ്ണൂരില് രണ്ടുപേരും കാസര്കോട്ട് രണ്ടുപേരുമടക്കം ഇന്ന് നാല് പേര് രോഗമുക്തി നേടി. 20,773 പേരാണ് സംസ്ഥാനത്ത് ഇപ്പോള് നിരീക്ഷണത്തിലുള്ളത്. 20,255 പേര് വീടുകളിലും 518 പേര് ആശുപത്രികളിലുമാണ് നിരീക്ഷണത്തില് കഴിയുന്നത്.
