തിരുവനന്തപുരം : സംസ്ഥാനത്ത് തിങ്കളാഴ്ച 13 പേര്ക്ക് കോവിഡ്-19 സ്ഥിരീകരിച്ചതായി മുഖ്യമന്ത്രി പിണറായി വിജയന് അറിയിച്ചു. കോട്ടയത്ത് 6, ഇടുക്കി 4, പാലക്കാട്, മലപ്പുറം, കണ്ണൂര് ഒന്ന് വീതം കേസുകളാണ് ഇന്ന് സ്ഥിരീകരിച്ചത്. ഇതില് അഞ്ചുപേര് തമിഴ്നാട്ടില് നിന്നുള്ളവരാണ്. ഒരാള് വിദേശത്ത് നിന്നാണ്. മറ്റുള്ളവര്ക്ക് സമ്പര്ക്കം മൂലമാണ് രോഗം പകര്ന്നത്. ഇന്ന് 13 പേര്ക്ക് രോഗം ഭേദമായതായും മുഖ്യമന്ത്രി അറിയിച്ചു. 123 പേരാണ് നിലവില് സംസ്ഥാനത്ത് ചികിത്സയിലുള്ളത്. 103 പേരെ ഇന്ന് ആശുപത്രിയില് പ്രവേശിപ്പിച്ചു.
