തിരുവനന്തപുരം: സംസ്ഥാനത്ത് ഇന്ന് സ്വർണവിലയിൽ വർദ്ധനവ് രേഖപ്പെടുത്തി. ഒരു പവൻ സ്വർണത്തിന് ഇന്ന് 400 രൂപയാണ് വർദ്ധിച്ചത്. ഇതോടെ, ഒരു പവൻ സ്വർണത്തിന്റെ ഇന്നത്തെ വിപണി വില 44,480 രൂപയാണ്. ഒരു ഗ്രാം സ്വർണത്തിന് 50 രൂപ വർദ്ധിച്ച് 5,560 രൂപ നിരക്കിലാണ് ഇന്ന് വ്യാപാരം പുരോഗമിക്കുന്നത്. ഇതോടെ, ജൂലൈ മാസത്തിലെ ഏറ്റവും ഉയർന്ന നിരക്കിലാണ് സ്വർണവില. ഇന്നലെയും സ്വർണവിലയിൽ വർദ്ധനവ് രേഖപ്പെടുത്തിയിരുന്നു. ഒരു പവൻ സ്വർണത്തിന് ഇന്നലെ 80 രൂപയാണ് ഉയർന്നത്. ആഗോള വിപണിയിൽ വില വർദ്ധിക്കുന്ന പ്രവണതയാണ് ഇപ്പോഴുള്ളത്. ഇതിന്റെ ഭാഗമായാണ് ആഭ്യന്തര സ്വർണവിലയും ഉയർന്നിരിക്കുന്നത്.
ജൂലൈ 13 മുതൽ 17 വരെ തുടർച്ചയായി നാല് ദിവസത്തോളം സ്വർണവില മാറ്റമില്ലാതെ തുടർന്നിരുന്നു. ഇതിനുശേഷമാണ് ഇന്നലെ വില വർദ്ധിച്ചത്. ഈ മാസത്തെ ഏറ്റവും താഴ്ന്ന നിരക്ക് ജൂലൈ 3-നാണ് രേഖപ്പെടുത്തിയത്. ഒരു പവൻ സ്വർണത്തിന് 43,240 രൂപയാണ് ജൂലൈ മൂന്നിലെ നിരക്ക്. സംസ്ഥാനത്ത് ഇന്ന് വെളളി വിലയിൽ മാറ്റമില്ല. ഒരു ഗ്രാം വെള്ളിക്ക് 81.40 രൂപയാണ് വിപണി വില. 8 ഗ്രാമിന് 651.20 രൂപയും, 10 ഗ്രാമിന് 814 രൂപയും, 100 ഗ്രാമിന് 8,140 രൂപയും, ഒരു കിലോഗ്രാമിന് 81,400 രൂപയുമാണ് വില നിലവാരം.
