തിരുവനന്തപുരം: സംസ്ഥാനത്ത് ഇന്നും മാറ്റമില്ലാതെ സ്വർണവില. ഒരു പവൻ സ്വർണത്തിന്റെ ഇന്നത്തെ വിപണി വില 44,640 രൂപയാണ്. ഒരു ഗ്രാമിന് 5,580 രൂപ നിരക്കിലാണ് ഇന്ന് വ്യാപാരം നടക്കുന്നത്. തുടർച്ചയായ മൂന്നാം ദിനമാണ് സ്വർണവില മാറ്റമില്ലാതെ തുടരുന്നത്. രാജ്യാന്തര വിപണിയിൽ ഒരു ട്രോയ് ഔൺസിന് 2007.66 ഡോളറിലാണ് വ്യാപാരം നടക്കുന്നത്. ഈ മാസത്തെ ഏറ്റവും ഉയർന്ന നിരക്ക് ഏപ്രിൽ അഞ്ചിനാണ് രേഖപ്പെടുത്തിയത്.
അഞ്ചാം തീയതി ഒരു പവൻ സ്വർണത്തിന് 45,000 രൂപയായിരുന്നു വില. യുഎസ് ബാങ്ക് തകർച്ചയുടെ പശ്ചാത്തലത്തിൽ കൂടുതൽ ആളുകളും കരുതൽ ശേഖരമെന്ന നിലയിൽ സ്വർണം വാങ്ങിയതോടെയാണ് സ്വർണവില ഉയർന്നത്. സംസ്ഥാനത്ത് ഇന്ന് വെള്ളി വിലയിൽ മാറ്റമില്ല. ഒരു ഗ്രാം വെള്ളിയുടെ ഇന്നത്തെ വിപണി വില 80.20 രൂപയാണ്. 8 ഗ്രാം വെള്ളിക്ക് 641.60 രൂപയും, ഒരു കിലോ വെള്ളിക്ക് 80,200 രൂപയുമാണ് വില.
