ടോക്കിയോ : ഒളിമ്പിക്സില് ആദ്യസ്വര്ണം ചൈന സ്വന്തമാക്കി. വനിതകളുടെ 10 മീറ്റര് എയര് റൈഫിളിലാണ് ചൈനയുടെ നേട്ടം. യാംഗ് ക്വിയാന് ആണ് ചൈനയ്ക്കായി സ്വര്ണം സ്വന്തമാക്കിയത്. ഒളിമ്പിക്സ് റിക്കാര്ഡോടെയാണ് സ്വര്ണനേട്ടം. സ്കോര് : 251.8. റഷ്യയുടെ അനസ്താസിയ ഗാലാഷിന വെള്ളിയും സ്വിറ്റ്സര്ലന്ഡിന്റെ നിന ക്രിസ്റ്റന് വെങ്കലവും നേടി. അനസ്താസിയ 251.1 പോയിന്റും നിന ക്രിസ്റ്റന് 230.6 പോയിന്റുമാണ് വെടിവച്ചിട്ടത്.
ഈ ഇനത്തില് ഇന്ത്യന് മെഡല് പ്രതീക്ഷകളായിരുന്ന ലോക ഒന്നാം നമ്പര് താരം എളവേണില് വാളറിവാന്, ലോക റെക്കോഡ് നേടിയ അപൂര്വി ചന്ദേല എന്നിവര് യോഗ്യതാ റൗണ്ടില് പുറത്തായിരുന്നു. 626.5 പോയന്റുമായി എളവേണില് വാളറിവാന് 16-ാം സ്ഥാനത്താണ് ഫിനിഷ് ചെയ്യാനായത്. തീര്ത്തും നിരാശപ്പെടുത്തിയ അപൂര്വി ചന്ദേല 621.9 പോയന്റുമായി 36-ാം സ്ഥാനത്തേക്ക് പിന്തള്ളപ്പെട്ടു.
