ടോക്യോ : ടോക്കിയോ ഒളിമ്പിക്‌സിന്റെ ആദ്യ ദിനത്തില്‍ റെക്കോഡ് സ്വന്തമാക്കി ദക്ഷിണ കൊറിയയുടെ ആന്‍ സാന്‍. അമ്പെയ്ത്തില്‍ വനിതകളുടെ വ്യക്തിഗത റാങ്കിങ് റൗണ്ടിലാണ് താരം ഒളിമ്പിക് റെക്കോഡ് സ്വന്തമാക്കിയിരിക്കുന്നത്. 680 പോയന്റോടെയാണ് താരം ഈ നേട്ടം സ്വന്തമാക്കിയത്. 1996 ല്‍ യുക്രൈനിന്റെ ലിന ഹെറാസിമെങ്കോ സ്ഥാപിച്ച 673 പോയന്റ് എന്ന റെക്കോഡാണ് 20 കാരി ആന്‍ തിരുത്തിയിരിക്കുന്നത്.
ദക്ഷിണ കൊറിയയുടെ തന്നെ യാങ് മിന്‍ഹീ (677), കാങ് ചായങ് (675) എന്നിവര്‍ രണ്ടാമതും മൂന്നാമതും ഫിനിഷ് ചെയ്തിട്ടുണ്ട്. ഇതേസമയം വനിതകളുടെ വ്യക്തിഗത റാങ്കിങ് റൗണ്ടില്‍ ഇന്ത്യയുടെ ലോക ഒന്നാം നമ്പര്‍ താരം ദീപിക കുമാരി ഒമ്പതാം സ്ഥാനത്ത് ഫിനിഷ് ചെയ്തു. 663 പോയന്റ് നേടിയാണ് ദീപിക ഒമ്പതാമതെത്തിയത്.
