കൊല്ലം : കൊല്ലത്ത് കച്ചേരിമുക്കിന് സമീപമുള്ള മെഡിക്കല് സ്റ്റോറില് വന് തീപിടിത്തം. കാരുണ്യമെഡിക്കല് സ്റ്റോറിലാണ് തീപിടിത്തമുണ്ടായത്. മരുന്ന് സംഭരിച്ചുവച്ചിരുന്ന ഗോഡൗണിനും തീപിടിച്ചു. ലക്ഷക്കണക്കിന് രൂപയുടെ മരുന്നുകള് കത്തിനശിച്ചു. നൈറ്റ് പട്രോളിംഗിന് പോയ പോലീസുകാരാണ് കടയില്നിന്ന് പുക ഉയരുന്നത് കണ്ടത്. തുടര്ന്ന് പോലീസ് ഫയര്ഫോഴ്സിനെ വിവരമറിയിച്ചു. മൂന്നുമണിക്കൂറോളം ശ്രമം നടത്തിയാണ് തീ നിയന്ത്രണവിധേയമാക്കിയത്.
