ഇടുക്കി : ഇടുക്കി ഡാം തുറന്നതിനാല് പ്രദേശത്ത് വിനോദസഞ്ചാരത്തിന് നിയന്ത്രണം ഏര്പ്പെടുത്തിയതായി ജില്ലാ ഭരണകൂടം. ഇന്ന് രാവിലെ ആറിനാണ് ഡാം തുറന്നത്. ജില്ലാ ഭരണകൂടം ജാഗ്രതാ നിര്ദ്ദേശങ്ങള് പുറപ്പെടുവിച്ചിട്ടുണ്ട്. പൊതു ജനങ്ങള് അതീവ ജാഗ്രത പാലിക്കണമെന്ന് ജില്ലാ ഭരണകൂടം അറിയിച്ചു. ചെറുതോണി ടൗണ് മുതല് പെരിയാറിന്റെ ഇരുകരകളിലും ഉള്ളവര് അതീവ ജാഗ്രത പാലിക്കണമെന്നാണ് നിര്ദ്ദേശം.
ഈ മേഖലകളില് വിനോദസഞ്ചാരത്തിന് നിയന്ത്രണം ഏര്പ്പെടുത്തിയിട്ടുണ്ട്. വെള്ളപ്പാച്ചില് ഉണ്ടാകുന്ന സ്ഥലങ്ങളില് പുഴ മുറിച്ചു കടക്കുന്നത് നിരോധിച്ചിട്ടുണ്ട്. ഈ സ്ഥലങ്ങളിലെ പുഴകളില് മീന്പിടുത്തം നിരോധിച്ചു. നദിയില് കുളിക്കുന്നതും തുണി അലക്കുന്നതും ഒഴിവാക്കുക. പൊതുജനങ്ങള് പോലീസിന്റെ നിര്ദ്ദേശങ്ങള് കര്ശനമായി പാലിക്കണമെന്നും ജില്ലാ ഭരണകൂടം അധികൃതര് അറിയിച്ചു.
