തിരുവനന്തപുരം : പാലാ അടക്കമുള്ള നിയമസഭാ സീറ്റുകളില് നിലപാട് കടുപ്പിച്ച് എന്സിപി. സീറ്റ് വിട്ടുകൊടുത്ത് വിട്ടുവീഴ്ചക്കില്ലെന്ന് എന്സിപി സംസ്ഥാന അധ്യക്ഷന് ടിപി പീതാംബരന് പ്രതികരിച്ചു. പാലാ അടക്കമുള്ള മുഴുവന് സീറ്റുകളിലും എന്സിപി തന്നെ മത്സരിക്കും. സീറ്റുകള് വിട്ടു കൊടുക്കേണ്ടെന്ന് തന്നെയാണ് കേന്ദ്ര നേതൃത്വത്തിന്റെ നിലപാടെന്നും സീറ്റുവിഷയത്തില് കേന്ദ്രത്തിന്റെ പിന്തുണയുണ്ടെന്നും അദ്ദേഹം പറഞ്ഞു.
സിറ്റിംഗ് സീറ്റുകളില് കൈവെച്ചാല് മുന്നണി വിടണമെന്ന തീരുമാനത്തില് ടിപി പീതാംബരന് മാസ്റ്ററും മാണി സി കാപ്പനും ഒപ്പം കേന്ദ്രനേതൃത്വവും ഉണ്ടെന്നുറപ്പായതോടെ എല്ഡിഎഫിന് ഇത് കൂടുതല് തലവേദന സൃഷ്ടിച്ചേക്കും. അതേ സമയം പാലായുടെ പേരില് മാത്രം പിണങ്ങി മുന്നണി വിടരുതെന്ന നിലപാടിലാണ് എകെ ശശീന്ദ്രന്.
