ആലപ്പുഴ: ട്രാഫിക് എഎസ്ഐയെ ബൈക്ക് ഇടിച്ചുതെറിപ്പിച്ചു. വാഹന പരിശോധനയ്ക്കിടെ കൈ കാണിച്ചപ്പോഴാണ് ബൈക്ക് യാത്രക്കാരന്റെ പരാക്രമം. കാലിലൂടെ ബൈക്ക് കയറിയിറങ്ങിയതിനെ തുടര്ന്ന് പരിക്കേറ്റ എഎസ്ഐയെ ആശുപത്രിയില് പ്രവേശിപ്പിച്ചു. കായംകുളത്താണ് സംഭവം. വാഹന പരിശോധനയ്ക്കിടെ കൈ കാണിച്ചപ്പോള് ബൈക്ക് നിര്ത്താതെ പോകുകയായിരുന്നു. വാഹനം തടയാന് ശ്രമിക്കുന്നതിനിടെ ബൈക്ക് ഇടിച്ചാണ് കായംകുളം ട്രാഫിക് എഎസ്ഐ അമീര്ഖാന് തെറിച്ചുപോയത്. അതിനിടെ കാലിലൂടെ ബൈക്ക് കയറിയിറങ്ങിയതിനെ തുടര്ന്ന് അമീര്ഖാന് പരിക്കേല്ക്കുകയും ചെയ്തു.
