ധര്മപുരി : കണ്ണൂരില് നിന്ന് ബംഗളൂരുവിലേക്ക് പുറപ്പെട്ട കണ്ണൂര് – യശ്വന്ത്പൂര് സ്പെഷ്യല് എക്സ്പ്രസ് (07390) പാളം തെറ്റി. തമിഴ്നാട് ധര്മപുരിക്ക് സമീപമാണ് അപകടം. അഞ്ച് ബോഗികളാണ് പാളം തെറ്റിയത്.വ്യാഴാഴ്ച വൈകീട്ടാണ് കണ്ണൂര്-യശ്വന്ത്പൂര് സ്പെഷ്യല് എക്സ്പ്രസ് കണ്ണൂരില് നിന്ന് പുറപ്പെട്ടത്.
വെള്ളിയാഴ്ച പുലര്ച്ചെ 3.45ഓടെയാണ് പാളം തെറ്റിയത്. സേലം – ബംഗളൂരു റൂട്ടിലെ മുത്തംപട്ടി – ശിവദി സ്റ്റേറഷനുകള്ക്കിടയിലാണ് സംഭവം. ട്രെയിന് ഓടിക്കൊണ്ടിരിക്കെ എന്ജിന് സമീപത്തെ എസി ബോഗിയുടെ ചവിട്ടുപടിയില് വന് പാറക്കല്ല് വന്നിടിച്ചതാണ് അപകടത്തിന് ഇടയാക്കിയത് എന്നാണ് പ്രാഥമിക നിഗമനം. അപകടത്തില് ആര്ക്കും ഗുരുതരമായി പരിക്കേറ്റിട്ടില്ല. എസി ബോഗിയിലെ ഗ്ലാസുകളും ചവിട്ടുപടികളും തകര്ന്നു. സീറ്റുകള് ഇളകി മാറുകയും ചെയ്തിട്ടുണ്ട്.
