തൃശ്ശൂര്: ട്രെയിനില് അച്ഛനൊപ്പം യാത്ര ചെയ്ത പതിനാറുകാരിക്ക് നേരെയുണ്ടായ അതിക്രമത്തില് 3 പേര് അറസ്റ്റില്. ചാലക്കുടി – തൃശ്ശൂര് സ്വദേശികളായ ജോയ്, സുരേഷ്, സിജോ എന്നിവരാണ് അറസ്റ്റിലായത്. എറണാകുളം റെയില്വേ പോലീസാണ് പ്രതികളെ അറസ്റ്റ് ചെയ്തത്. കഴിഞ്ഞ ശനിയാഴ്ച രാത്രി എറണാകുളത്ത് നിന്ന് വരുകയായിരുന്ന ഗുരുവായൂര് എക്സ്പ്രസ്സില് വെച്ചാണ് തൃശ്ശൂര് സ്വദേശിനിക്ക് നേരെ അതിക്രമമുണ്ടായത്. പ്രതികള് കുട്ടിയുടെ ശരീരത്തില് സ്പര്ശിക്കാന് ശ്രമിക്കുകയും അശ്ലീലം പറഞ്ഞു ചെയ്തെന്നുമാണ് പരാതി.
മദ്യപിച്ച 50 വയസ്സിന് മുകളില് പ്രായമുള്ളവരാണ് കുട്ടിയോട് മോശമായി പെരുമാറിയതെന്നാണ് പരാതിയില് പറയുന്നത്. റെയില്വേ ഗാര്ഡിനോട് പരാതിപ്പെട്ടിട്ടും ആ സമയത്ത് പോലീസിനെ അറിയിക്കാന് പോലും തയ്യാറായിരുന്നില്ലെന്നാണ് പിതാവിന്റെ ആരോപണം. സംഭവത്തില് തൃശൂര് റെയില്വേ പോലീസ് പോക്സോ വകുപ്പ് പ്രകാരമാണ് കേസെടുത്തത്.