കോഴിക്കോട്: ട്രെയിന് തീവെപ്പ് കേസിലെ പ്രതി ഷാറൂഖ് സെയ്ഫിക്ക് ആരോഗ്യ പ്രശ്നങ്ങളില്ല. ഇയാളുമായുള്ള തെളിവെടുപ്പുമായി മുന്നോട്ട് പോകുമെന്ന് അന്വേഷണ സംഘം. ആരോഗ്യ പ്രശ്നങ്ങളുണ്ടെന്ന് ഷാറൂഖ് സെയ്ഫി തുടര്ച്ചയായി പറഞ്ഞതിന്റെ ഭാഗമായി ഇന്ന് മെഡിക്കല് സംഘം ഇയാളെ പരിശോധിച്ചിരുന്നു. തുടര്ന്ന് ഡോക്ടര് ഇയാള്ക്ക് ആരോഗ്യ പ്രശ്നങ്ങള് ഇല്ലെന്ന് അറിയിച്ചു. ഇതോടെയാണ് തെളിവെടുപ്പുമായി മുന്നോട്ടുപോകാന് അന്വേഷണ സംഘം തീരുമാനിച്ചത്. അതേസമയം ഷാറൂഖ് സെയ്ഫി മുമ്പും കേരളത്തില് എത്തിയെന്ന സംശയത്തിലാണ് അന്വേഷണസംഘം.
ഷാറൂഖിന് ദില്ലിയില് മലയാളികളുമായി ബന്ധമുണ്ടോ എന്നതിലും പരിശോധന നടക്കുകയാണ്. അതേസമയം ആക്രമണത്തിനായി ലക്ഷ്യമിട്ടത് ഏതെങ്കിലും ദക്ഷിണേന്ത്യന് സംസ്ഥാനമെന്ന് ഷാരൂഖ് സെയ്ഫി മൊഴി നല്കിയിട്ടുണ്ട്. കേരളം തെരഞ്ഞെടുത്തത് ഇതിന്റെ ഭാഗമായാണ്. ആക്രമണം നടത്തിയത് സ്വന്തം നിലയിലെന്നും പ്രതി മൊഴി നല്കി. ഇതോടെ പ്രതിയുടെ ഐഎസ് ബന്ധം പരിശോധിക്കുകയാണ് അന്വേഷണ ഏജന്സികള്.