ഇടുക്കി : മൂന്നാറില് വിനോദ സഞ്ചാരികള് സഞ്ചരിച്ച ട്രാവലര് മറിഞ്ഞ് ഒരാള് മരിച്ചു. കുറ്റിപ്പുറം സ്വദേശി മുബാരീസാണ് മരിച്ചത്. അപകടത്തില് നിരവധിപേര്ക്ക് പരുക്കേറ്റു .മൂന്നാര് സാന്റോസ് കോളനിക്ക് സമീപമായിരുന്നു അപകടം.
മലപ്പുറം കുറ്റിപ്പുറത്തു നിന്നും വിനോദയാത്രക്കെത്തിയ സംഘം സഞ്ചരിച്ച വാഹനമാണ് അപകടത്തില്പെട്ടത്. വാഹനത്തില് ഡ്രൈവര് അടക്കം 17 പേരും 8 കുട്ടികളും ഉണ്ടായിരുന്നു . നിയന്ത്രണം വിട്ട ട്രാവലര് റോഡിന് താഴ്വശത്തുള്ള തെയിലക്കാട്ടിലേക്ക് പതിക്കുകയായിരുന്നു. ഡ്രൈവര് സീറ്റിന് സമീപത്തിരുന്ന മുബാരീസ് സംഭവസ്ഥലത്ത് തന്നെ മരിച്ചു . നാട്ടുകാരും പോലീസും ചേര്ന്നാണ് പരുക്കേറ്റവരെ ആശുപത്രിയില് എത്തിച്ചത്. മുബാരീസിന്റെ മൃതദേഹം മൂന്നാര് ജനറല് ആശുപത്രി മോര്ച്ചറിയില് സൂക്ഷിച്ചിരിക്കുകയാണ്.
