തിരുവനന്തപുരം : നെറ്റ്വര്ക്ക് തകരാറില് സംസ്ഥാനത്ത് ട്രഷറികളുടെ പ്രവര്ത്തനം മുടങ്ങി. ഇതോടെ പെന്ഷന് വാങ്ങാനെത്തിയ പ്രായമായവരടക്കം കാത്തിരുന്നു വലഞ്ഞു. ഇന്നലെ നടത്തിയ അറ്റകുറ്റപ്പണിയെ തുടര്ന്നുണ്ടായ സാങ്കേതിക പ്രശ്നമാണ് കാരണമെന്നാണ് ട്രഷറി അധികൃതര് പറയുന്നത്. പ്രശ്നം പരിഹരിക്കാനുളള ശ്രമം തുടരുകയാണ്.
ഇന്നു വൈകീട്ടോടെയോ നാളെയോ ട്രഷറികളുടെ പ്രവര്ത്തനം സാധാരണനിലയിലെത്തുമെന്നും അധികൃതര് പറഞ്ഞു. സെര്വറില് അടിയന്തര അറ്റകുറ്റപ്പണി നടക്കുന്നതിനാല് ജനുവരി ഒന്ന്, രണ്ട് തീയതികളില് ട്രഷറി ഓണ്ലൈന് സേവനം ലഭ്യമാകില്ല എന്ന് കഴിഞ്ഞ ദിവസം വാര്ത്താക്കുറിപ്പുണ്ടായിരുന്നു. ഈ അറ്റകുറ്റപ്പണിയെ തുടര്ന്നുണ്ടായ സാങ്കേതിക പ്രശ്നങ്ങളാണ് ഇന്ന് ട്രഷറികളുടെ പ്രവര്ത്തനം തടസപ്പെടുത്തിയത്.
