തിരുവനന്തപുരം : മലപ്പുറത്ത് ദേശീയപാത വികസനത്തിനിടെ മരം മുറിച്ച് പക്ഷികള് അരുംകൊല ചെയ്യപ്പെട്ട സംഭവത്തില് പൊതുമരാമത്ത് മന്ത്രി പി എ മുഹമ്മദ് റിയാസ് ദേശീയപാതാ അതോറിറ്റിയോട് റിപ്പോര്ട്ട് ആവശ്യപ്പെട്ടു.ദേശീയപാതാ അതോറിറ്റിയുടെ കീഴിലുള്ള നിര്മ്മാണമായതിനാലാണ് എന്എച്ച്എഐയോട് റിപ്പോര്ട്ട് ആവശ്യപ്പെട്ടത്. സംഭവത്തില് ആവശ്യമായ നടപടി സ്വീകരിക്കാനും നാഷണല് ഹൈവേ അതോറിറ്റിയോട് ആവശ്യപ്പെട്ടു. കരാറുകാരനെതിരെ ശക്തമായ നടപടി വേണമെന്നാണ് ആവശ്യപ്പെട്ടിട്ടുള്ളത്.
