തിരുവനന്തപുരം : സെക്രട്ടറിയേറ്റിന് പിന്നിൽ വലിയ മരം കടപുഴകി വീണ് അപകടം. പ്രസ് ക്ലബ്ബിന് മുന്നിലുണ്ടായ ഈ അപകടത്തിൽ ഒരു സ്കൂട്ടർ യാത്രിക അത്ഭുതകരമായാണ് രക്ഷപെട്ടത്. ഇൻഫർമേഷൻ ആൻഡ് പബ്ലിക് റിലേഷൻസ് ഓഫീസിന് സമീപത്തുണ്ടായിരുന്ന വലിയ മരം റോഡിലേക്ക് കടപുഴകി വീഴുകയായിരുന്നു. അപകടസമയത്ത് റോഡിൽ വാഹനങ്ങൾ കുറവായതിനാലാണ് വലിയൊരു ദുരന്തം ഒഴിവായത്. എങ്കിലും, ഒരു ബൈക്ക് യാത്രികന് അപകടത്തിൽ ചെറിയ പരിക്കേറ്റിട്ടുണ്ട്. മരം വീണതിനെത്തുടർന്ന് സമീപത്തെ കാന്റീന്റെ ഒരു ഭാഗത്തിന് നാശനഷ്ടങ്ങൾ സംഭവിച്ചിട്ടുണ്ട്. നിലവിൽ ഫയർഫോഴ്സ് സ്ഥലത്തെത്തി മരം മുറിച്ചുമാറ്റുന്ന നടപടികൾ ആരംഭിച്ചു. മരം നീക്കം ചെയ്യുന്നതോടെ പ്രദേശത്തെ ഗതാഗതം ഉടൻ പുനസ്ഥാപിക്കാൻ കഴിയുമെന്ന് അധികൃതർ അറിയിച്ചു.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
