തൃക്കാക്കര : പണക്കിഴി വിവാദവുമായി ബന്ധപ്പെട്ട് തൃക്കാക്കര നഗരസഭ ചെയര്പേഴ്സനെതിരെ വിജിലന്സ് അന്വേഷണത്തിന് അനുമതി ലഭിച്ചു. എല്.ഡി.എഫ് കൗണ്സിലര്മാരുടെ പരാതിയില് കഴമ്പുണ്ടെന്ന് ത്വരിതാന്വേഷണത്തില് കണ്ടെത്തിയതിനെത്തുടര്ന്നാണ് വിജിലന്സ് ഡയറക്ടറുടെ നടപടി. കേസില് എഫ്.ഐ.ആര്.രജിസ്റ്റര് ചെയ്ത് അന്വേഷണം നടത്താനാണ് വിജിലന്സ് ഡയറക്ടര് അനുമതി നല്കിയിരിക്കുന്നത്.
നഗരസഭാദ്ധ്യക്ഷ അജിത തങ്കപ്പന് കൗണ്സിലര്മാര്ക്ക് ഓണക്കോടിക്കൊപ്പം പതിനായിരം രൂപവീതം കവറിലിട്ട് നല്കിയെന്നാരോപിച്ചും സംഭവത്തില് അന്വേഷണമാവശ്യപ്പെട്ടും കഴിഞ്ഞമാസമാണ് എല്.ഡി.എഫ് കൗണ്സിലര്മാര് വിജിലന്സ് ഡയറക്ടര്ക്ക് പരാതി നല്കിയത്. ഇതേത്തുടര്ന്ന് ഡയറക്ടറുടെ നിര്ദേശപ്രകാരം വിജിലന്സ് എറണാകുളം യൂണിറ്റ് ത്വരിതാന്വേഷണം നടത്തിയിരുന്നു. നഗരസഭയിലെ സി.സി.ടി.വി ദൃശ്യങ്ങള് അടക്കം പരിശോധിച്ചിരുന്നു. തുടര്ന്ന് പരാതിയില് കഴമ്പുണ്ടെന്ന് ചൂണ്ടിക്കാട്ടി ഡയറക്ടര്ക്ക് റിപ്പോര്ട്ട് നല്കിയിരുന്നു.
