തൃശൂര്: തൃശൂര് കോര്പ്പറേഷനില് കോണ്ഗ്രസ് വിമതന് എം.കെ വര്ഗീസിനെ മേയറാക്കാന് ധാരണ. ആദ്യത്തെ രണ്ട് വര്ഷം മേയര് സ്ഥാനം വര്ഗീസിന് നല്കും. മന്ത്രി എ.സി മൊയ്തീനുമായുളള ചര്ച്ചക്കൊടുവിലാണ് തീരുമാനം.
ഇതുസംബന്ധിച്ച ഔദ്യോഗിക പ്രഖ്യാപനം വൈകിട്ടുണ്ടാവും. അഞ്ച് വര്ഷവും മേയര് പദവി വേണമെന്നായിരുന്നു എം.കെ വര്ഗീസിന്റെ ആവശ്യം. എന്നാല് ഇന്നലെ നടത്തിയ ചര്ച്ചയില് രണ്ട് വര്ഷം മേയര് പദം നല്കാമെന്ന് സി.പി.എം അറിയിച്ചു. എം.കെ വര്ഗീസ് ഇത് അംഗീകരിക്കുകയായിരുന്നു.
55 അംഗങ്ങളുള്ള തൃശൂര് കോര്പ്പറേഷനില് 24 സീറ്റുകളില് എല്.ഡി.എഫ് ജയിച്ചപ്പോള് 23 ഇടത്തായിരുന്നു യു.ഡി.എഫ് വിജയം. ആറ് സീറ്റുകള് ബി.ജെ.പിയും നേടി. ഇതോടെയാണ് ഭരണത്തിനായി ഇരു കക്ഷികള്ക്കും കോണ്ഗ്രസ് വിമതന്റെ പിന്തുണ ആവശ്യമായി വന്നത്. തെരഞ്ഞെടുപ്പ് ഫലം വന്നപ്പോള് തന്നെ ഇടതുമുന്നണിയെ പിന്തുണക്കുമെന്ന് വര്ഗീസ് അറിയിച്ചിരുന്നു.
