മുംബൈ: ടിആര്പി കൃത്രിമവുമായി ബന്ധപ്പെട്ട് റിപ്പബ്ലിക് ടിവി ചാനലിലെ നിക്ഷേപകരെ ചോദ്യം ചെയ്യാന് മുംബൈ പോലീസ്. ഇതുമായി ബന്ധപ്പെട്ട് ഹാജരാകാന് ആവശ്യപ്പെട്ട് ക്രൈംബ്രാഞ്ച് നിക്ഷേപകര്ക്ക് നോട്ടീസ് അയച്ചു.
ആര്പിജി പവര് ട്രേഡിംഗ് ലിമിറ്റഡ്, ആനന്ദ് ഉദയോഗ് ലിമിറ്റഡ്, പൂര്വാഞ്ചല് ലീസിംഗ് ലിമിറ്റഡ്, പാന് കാപ്പിറ്റല് ഇന്വെസ്മെന്റ്, ഡൈനാമിക് സ്റ്റോറേജ് ആന്ഡ് റിട്രീവല് സിസ്റ്റം തുടങ്ങിയ കമ്പനികള്ക്കാണ് നോട്ടീസ് അയച്ചത്.
വെള്ളിയാഴ്ച ചോദ്യം ചെയ്യലിന് ഹാജരാകുവാനാണ് ഇവരോട് ആവശ്യപ്പെട്ടിരിക്കുന്നത്. ഒറ്റത്തവണയായി റിപ്പബ്ലിക് ചാനലിന് 32 ലക്ഷം രൂപ നല്കിയ ഹസ്ന റിസര്ച്ച് ഗ്രൂപ്പും അന്വേഷണ പരിധിയിലാണ്. ബാര്ക് മീറ്ററുകള് സ്ഥാപിക്കുന്നതിന് കരാറെടുത്ത കമ്പനികളിലൊന്ന് ഹസ്ന റിസര്ച്ചാണ്.